孖日模女友開工 黃宗澤快閃拍拖


2017-01-03 07:00

跟蹤提及過的人和物:

上一則新聞: 舒淇隔空嗲馮德倫:要你一起!

 

型男黃宗澤再與日模女友Jun合體拍廣告,忙爆的二人只能趁開工短聚3天,雖然行色匆匆,但見他神采飛揚,原來有愛情滋潤之餘,他還為廣告密密操,練得一身爆肌「朱古力」!

型男黃宗澤(Bosco)與日模女友Jun因拍攝健康食品廣告而撻着,近一年的戀情依然Keep得住,月前更再度合體拍攝新一輯廣告。由於他們都非常忙碌,今次趁工作在港短聚3天,寓工作於拍拖,總算一解相思之苦!

問到留港期間可有慶祝聖誕及新年?Bosco呻:「冇啦!拍完第二朝就走喇!我去橫店拍劇,佢都好忙。(咁少見點維繫感情?)冇辦法啦!我拍劇已經排到11月,遲啲要返嚟開《溏心風暴3》。」至於在日本發展的Jun則在Instagram上載到廟宇求籤的照片,籤文內容指:「如果你對神明忠誠,就會得到神明照料與庇佑,心誠即靈,萬事會如煦日初升般順利,心情暢快。」

嚴格控制飲食



雖然只能與女友短聚3天,但見Bosco神采飛揚,原來他為廣告操Fit,更谷爆胸肌!他坦言要長期Keep住40吋胸絕不容易,除做運動外,飲食方面亦要下苦功:「只食白肉,唔食油,夜晚唔食澱粉質。(驚唔驚患厭食症?)唔會,只係唔食肥膩,我唔會畀自己重過150磅!其實身邊朋友見到我都覺得我好瘦,都好擔心,依家見到我個Body應該放心啦!」

文:影視組

_

贊助商:

討論:
分享: