拒工人掂女 全人奶谷肥 陳茵媺寵壞小公主


2017-01-05 16:32

跟蹤提及過的人和物:

上一則新聞: 大肚婆專利? 港鐵霸位等老公上車有位坐

 

陳茵媺 與陳豪2013年在加國完婚,同年誕下大仔梓燁,15年初誕下二仔浩鋒,而去年四月再誕下女兒凱婷 (Camilla) ,三年抱三追女成功!雖然茵媺口裏話唔會偏心,但所謂孻女孻心肝,佢待囡囡如同小公主般疼愛,全天侯親自照顧,完全唔俾工人幫手!行街時小公主肚餓,茵媺隨即在七人車上餵奶,寵女程度又有如碧咸夫婦對細女哈七一樣!

圖片來源︰新傳媒、微博

Jeana 性感大解放 連還晒身材

兩公婆齊摸肚 楊采妮五個月大肚照曝光

元旦當日,茵媺帶同三位子女及兩位工人到尖沙嘴,自己全程親力親為照顧Camilla,工人無法埋身,反而就放心將兩位公子交給工人照顧及陪上playgroup。期間小公主肚餓,茵媺將七人車泊在較偏遠位置後,便脫去外套從司機位走去後座,俯身餵B近20分鐘。

落車時茵媺肉緊抱實B女錫完又錫,勁冧!

兩母女shopping時,茵媺不時留意Camilla的一舉一動,不時踎低為小公主整理衣衫或摸手仔測試體溫,又會對住囡囡哼歌,廿四孝媽咪,有女萬事足﹗而九個月大的Camilla皮膚白晢眼又大,臉珠肥嘟嘟,成個迷你版茵媺咁,係人見到都想錫一啖!

據知當初誕下兩子後,陳豪唔想太太咁辛苦,於是請咗兩個工人分擔工作,又會叫陳媽媽及哥哥幫手。當時茵媺都好放心,一有時間就會同老公出去拍拖撐枱腳。但自此誕下Camilla後,茵媺就變得超級緊張,幾辛苦都堅持自己餵人奶、沖涼、換片及陪瞓等,就算陳豪曾提出再請多一個工人,不過茵媺都係唔肯,寧願自己死撐!

已為人母的茵媺曾強調永不言休,早年生完兩位公子後都極速修身,出席不少event。但自此生咗細女Camilla後,茵媺的心態可謂180度轉變,多次為湊女而推掉工作,近日幾乎絕跡幕前;為奶源充足又不戒食不減肥,看來復出無期!

現時九個月大的Camilla為家中孻女,對上有兩個哥哥,樣子標緻可愛,被視為掌上明珠。Camilla被家人溺愛的程度,跟五歲大的碧咸愛女哈七 (Harper Seven) 如同倒模!陳豪一家和碧咸一家一樣,都係連續生仔後追番個女,故兩位妹妹都家中最得寵的小公主,爸爸媽媽錫到煨,萬千寵愛集一身!

全文完

麥雅緻孖囡囡 餅印扮小雲

贊助商:

討論:
分享: