胡定欣:「明心戀」好登對


2017-01-08 07:00
上一則新聞: 好姊妹張曦雯讚煙韌

 

藝員胡定欣、陳展鵬、陳山聰及鮑起靜等,前晚到尖沙咀出席新劇《同盟》煞科宴,定欣透露今次由她、展鵬、山聰與姚子羚請客。

展鵬與定欣這對緋聞拍檔將各自拍新劇,定欣說:「不過嚟緊都會一齊出Show嘅!(情侶檔酬勞高啲?)其實唔知㗎!不過好開心《城寨英雄》嚟到2017年仍然有客戶、觀眾鍾意!」提到舊愛馬國明傳與黃心穎撻着,她希望「明心戀」開花結果:「佢哋靚仔、靚女,好登對!(同好朋友先後鍾意同一個男仔,唔尷尬?)唔會,我不嬲都希望馬明搵到個好女仔!」展鵬則將為新劇《天命》剃頭,笑言要珍惜毛髮:「之前拍《張保仔》唔識,自己用鬚刨諗住再刮乾淨啲,但可能傷到啲毛囊。依家人大咗要珍惜頭髮!」

同場的山聰難忘新劇打戲連場,他說:「估唔到自己時裝劇打戲可以記到20幾招,好深刻!」並透露角色有突破:「好多謝監製文偉鴻畀呢個機會我,佢令我有個不一樣嘅陳山聰,角色正直、正氣,由頭到尾冇奸過!」

贊助商:

討論:
分享: