王君馨過肥年捱杯麵


2017-01-11 07:00

跟蹤提及過的人和物:

上一則新聞: 徐子珊ig露兩手又燒又揼整戒指

 

袁偉豪和王君馨昨日在活動上合唱騷歌喉,對於陳展鵬在樂壇頒獎禮上咪嘴演出,兩人指展鵬拍劇太忙才疏於練歌,力撐對方「咪嘴無罪」!兩人去年人氣急升賺到笑,王君馨表示雖然可過肥年,但因忙拍劇搞到要捱杯麵。

藝人袁偉豪(Ben)和王君馨(Grace)昨日出席「東港城‧年年有魚3D藝術展」揭幕禮,兩人發揮創意,以毛筆書寫及畫出與雞年有關的祝賀語「福有油雞(攸歸)」及「雞年興旺」,Grace烏身寫毛筆字時,露出微微「線頭」,之後又與Ben合唱劇集《城寨英雄》的片尾曲《從未知道你最好》,兩人受訪時透露首次合唱這歌,Grace笑謂緊張到震:「聽唔到我喺度震咩?可能變咗震音。」

撐展鵬咪嘴有理



兩人去年憑《城寨英雄》的角色彈起,工作大增,Ben坦承今年可以過肥年:「肥晒,大家都肥,都要嘅,辛苦咗咁多年,畀番少少廚餘我哋,等我哋有啲嘢食吓啦!」Grace就笑謂雖然賺多了錢,但這幾天仍要捱杯麵:「我都想煮麵食,但因為拍劇拍到凌晨5點,瞓得兩、三個鐘又要起身,我除咗杯麵都冇其他選擇,慘慘豬。」

提到曾合作拍劇的陳展鵬在《勁歌金曲頒獎典禮》上咪嘴獻唱,兩人均力撐對方「咪嘴有理」,Ben說:「有時藝人如果身體唔舒服或者太攰,咪嘴未必唔好,反而係負責任,我都知展鵬呢排拍劇好辛苦,冇休息過。」Grace就表示眾所周知展鵬是唱得之人,但因他並非專業歌手,忙於拍劇才沒時間練歌。

發老脾非壞事



展鵬近日被前亞視監製爆因發少爺脾氣,所以當年被亞視雪藏,Ben即笑謂自己都有少爺仔脾氣:「每個人有自己嘅性格,有時都要適當咁釋放情緒,最重要係唔會影響正式工作嘅進度。」Grace亦說:「有時好多嘢發生,難免會發脾氣,但大家做呢一行都會明白嘅。」

文:音樂組

攝:秦健輝

贊助商:

討論:
分享: