謙謙先斬後奏拍床戲 楊怡 ︰我唔知!


2017-01-12 11:48

跟蹤提及過的人和物:

上一則新聞: 期望學生建立歸屬感 梁季中學校本課程獨立單元教香港史

 

日前羅仲謙越洋送上「老婆楊怡」巨型花牌,令全城女士都羨慕 楊怡 搵到個好老公,不過原來呢件事另有內情!去年10月 謙謙 同楊怡喺香港擺酒結婚後,未度蜜月就急急腳飛往內地開拍網劇《無間道》。 謙謙 除了唔用替身打到飛起, 更同楊冪師妹、外號「男神收割機」的朱銳有連場愛情動作鏡頭,下下埋牙肉搏又摷又啜,相當火辣!劇集近日熱播中,老婆楊怡呷行乾醋話︰「我未睇﹗」,為氹番愛妻,唔怪得謙謙即刻送巨型花牌氹番愛妻啦!

圖片來源:新傳媒圖片庫、微博、《無間道》截圖

張繼聰生日自嘲「廢柴老公」謝安琪感動回應

醫學美容上市 黎姿哽咽謝胞弟先斬後奏拍床戲

羅仲謙在網劇《無間道》戲分極重,有大量動作鏡頭包括槍戰、打鬥、講數、劈友,監製梁家樹禁演員用替身,受傷少不免,謙謙為此於接劇前跟楊怡商討應否接拍,最終答應演出。

之不過謙謙選擇性備案,劇中的連場親熱戲卻未有稟告楊怡,先斬後奏拍咗再算!當時謙謙接受內地傳媒訪問,佢咁答:「不用特別講,大家都是演員﹗」直到劇集於去年十二月尾出街,連宣傳海報都用謙謙同朱銳咀嘴大頭相,謙謙最後先坦白從寬,但就講得避重就輕,費事刺激到老婆啦。

激情床戲

究竟嗰幾場親熱戲有幾激,激到謙謙都唔敢備案?片段中見到謙謙上身赤裸晒肌,同朱銳又啜又摷好激烈吓喎!

  

係咁咀係咁咀!

花牌謝罪

雖然楊怡揚言對老公百分百信任,但女人見到自己老公同其他女人親密點都有少少嬲,仲要咁肉緊咁激烈喎!所以謙謙都好識做,即刻越洋送上以花砌成「老婆楊怡」加埋四個大花牌氹老婆,令楊怡冧到痺,仲拍埋片直播放上網,不停冧笑多謝老公,看來謙謙呢招花海謝罪尚算奏效。

羅仲謙:唔使備案

問到謙謙有冇同老婆楊怡備案,佢就話會同老婆會交代聲,但唔會講到備案咁嚴重。問佢係咪送花氹番老婆,佢就話平時都有送花習慣,因為女仔都鍾意一啲親手做嘅小勞作,最緊要氹得老婆開開心心!

楊怡:百份百信任老公

對於老公拍激情床戲一事,楊怡就話:「我未睇﹗不過應該係劇情需要好合理有呢啲鏡頭﹗我呢排忙緊舞台劇,唔可以追得咁貼,忙完之後會逐集追睇番。」有指老公拍之前冇備案,楊怡回應話唔過問老公嘅工作,自己都係演員,都拍過親熱戲,百份百支持同信任老公!

全文完

《3日2夜》新咪神出爐 鄺潔楹勁「GFable」!

贊助商:

討論:
分享: