陳展鵬搵新鮮感剃光頭冧胡定欣


2017-01-12 07:00

跟蹤提及過的人和物:

上一則新聞: 李若彤驚訝志偉贏大錢

 

視帝陳展鵬和視后胡定欣昨日到上水廣場首度單對單出席活動,作為緋聞情侶,兩人頻頻製造煙韌場面,Sweet到爆。定欣直言想繼續與展鵬拍住上搵銀,問會否對到厭?展鵬笑說:「我剃咗光頭喎!」施展另類冧功製造新鮮感!

出爐視帝視后陳展鵬和胡定欣昨日以緋聞情侶檔在上水廣場主持「鳳舞.花瓷彩繪展」揭幕禮,新鴻基地產代理有限公司租務部總經理鍾秀蓮亦有出席。展鵬和定欣即場向台灣瓷繪藝術家林俊佑學習瓷繪,在瓷碟上填色。

肉麻餵湯圓



首次單對單出席商場活動的兩人頻頻製造Sweet爆場面,定欣除了肉麻地餵展鵬食湯圓,更冧爆與對方合唱得獎歌《從未知道你最好》。定欣接受訪問時坦言希望二人可以繼續拍住上搵真銀:「今日之後都繼續有!(新劇《同盟》推出又嚟過?)好呀!其實冇劇出都可以搵我哋做嘢o架。(見多啲?)公司都會見到,喺隔籬廠啫。」問到會否見到厭?展鵬說:「我對佢嚟講就一定有新鮮感,剃咗光頭喎!」

阿媽叫真唱



提到雞年將至,問他們會否互相上門拜年?展鵬笑說:「玩咁大?我屋企未執好,好亂。(你去佢度?)咁恐怖?畀記者撞到又寫,唔好喇!」快將踏入40歲的他會否打算成家立室?自言未被家人催婚的他稱:「到嗰日先諗,依家仲係三字尾。」定欣聞言即笑住問:「一到12點就諗?」非常搞笑。二人合唱前,展鵬自嘲:「我一定唔會咪嘴!」他指自從頒獎禮後,被母親吩咐每次都要真唱:「我話到時甩嘴就另一樣嘢喇,但我都希望之後會唱Live嘅。」

文:影視組

贊助商:

討論:
分享: