明發表傷勢 譚詠麟探華仔唔敢講笑:佢真係好痛


2017-01-22 16:58

跟蹤提及過的人和物:

上一則新聞: 出賽單車馬拉松 周國賢歎慢版林奕匡搏到盡

 

星島日報報道 譚詠麟今午現身養和醫院探望墮馬受傷的劉德華,自言是第一個成功上房探望華仔的人。阿倫表示因與華仔錄了首歌,很多工作上需要傾意見,一定要當面講,所以昨晚跟溫拿在澳門演出完,今日剛落船就到醫院來。

  提到華仔傷勢,阿倫說:「我諗佢聽日自己會發表,呢樣我唔方便講,總之大家唔使擔心。佢叫我通知所有親朋戚友,千祈唔好嚟探佢,等佢自己休息下,因為所有嘅講野、笑同埋反應都會觸動到神經,影響到痛楚,所以知心領、有心,大家唔好嚟醫院、嚟搞佢。」 

  問到華仔狀況是否臥牀?阿倫笑說:「梗係臥牀啦,唔通玩跳飛機。 (瞓同你講定坐起身?) 問都嘥氣!」不過阿倫補充華仔精神好好,但他真不敢做任何反應,說:「初想引佢笑,但佢會真係好痛,所以唔敢。」問到華仔是否痛到睡不到?想早點出院返家?太太照顧中?阿倫均推說華仔會親自告知大家,但華仔精神OK絕不擔心,只是需要時時休息。再問華仔過年能否出院回家?阿倫笑說:「真係唔知,梗係想佢返屋企,喺屋企容易搵佢啲。」 (攝影:鄧國良)

睇更多

贊助商:

討論:
分享: