甄子丹最強叉電谷旺花市


2017-01-24 07:00

跟蹤提及過的人和物:

上一則新聞:

 

雞年將至,全港各區年宵花市開始營業,不過前日首天開工維園即發生大停電6小時,相當打擊「士氣」,剛由外地返港的甄子丹昨日隨即落區做「人肉叉電機」,更出錢出力為小商販打氣,引來大批途人爭相集郵,現場逼得水洩不通!談到新年願望,子丹更直言:「希望香港經濟真正復甦,氣氛環境好轉,香港是我家嘛。」

仍未「收爐」的甄子丹風塵僕僕,剛由外地宣傳返港的他昨午現身前日發生大停電的維園行年宵,感染新年氣氛之餘順道為花市小商販們打氣,子丹的出現引來大批市民圍觀爭影合照,令年宵變得更加熱鬧,即使售買年花的老闆亦跑出來與他閒話家常,可見這位「宇宙最強」十分貼地。

老闆請飲大椰青



期間子丹幫襯學生們負責的攤檔買得意毛毛雞公仔「振興經濟」,且跑上高台拍照做生招牌,又有售買飲品的老闆捧上特大椰青送給子丹,且搞笑謂:「最緊要同我影合照啫。」子丹則「回禮」自掏腰包,買了約10個小椰青給助手等解渴。

自言已有超過30年沒有行花市子丹感慨表示:「今日好感受到香港人嘅溫情,大時大節梗會一家人走出嚟行街、辦吓年貨咁。我就經常飛嚟飛去,即使喺香港都想多啲休息,好少去街嘅,係唔夠時間陪家人,所以呢個農曆新年我哋計劃一家出埠旅行充電。雞年於我嚟講都算別具意義,因為我太太屬雞嘛。(雞年有乜寄望?)除咗自身嘅願望,我真心想香港氣氛好轉,所有嘅嘢都漸入佳境。」

揀劇本再拍西片



談到雞年的事業展望,早前他主演的兩套荷里活電影票房和口碑均很好,有指子丹已成為「國際級搶手貨」,他聞言後坦承:「係有6、7部西片劇本傾緊,我會因題材及角色作出篩選,4月我會先留港拍一部戲。我唔係咁enjoy出埠拍戲就真,因為每次返嚟都發現屋企嘅小朋友又大咗好多,錯過咗佢哋嘅成長,況且我喺香港拍戲拍咗三十幾年,真係好有情意結,一定會繼續為本港影壇出力,同埋幫助一啲有潛力嘅動作片演員及幕後。」

化妝:諺瞳.小白

髮型:[email protected]

造型:HarryLam

服裝:LaneCrawford

攝影:鄭家俊

文:影視組

贊助商:

討論:
分享: