陳煒 劉佩玥 包餃下廚 孝敬老友記


2017-01-25 07:00

跟蹤提及過的人和物:

上一則新聞: 周秀娜 鄭丹瑞 酒店偷情

 

陳煒、劉佩玥及張致恒早前齊齊做義工,為長者煮飯同派熱飯。今次搞手是陳煒,她直言自己第一次做義工,發起活動的原因是由於修讀心理課程後令她有所啟發,覺得應做就要做。她說:「依家覺得想做嘅嘢就去做,有能力就幫吓其他人!2月就開拍《深宮計》,得閒就做咗先!」

黃光亮一叫就到



出錢又出力的陳煒今次由買餸煮飯都一腳踢,她謂花費大概5000元,一早九點就來包水餃,下午就煮105人份量的飯並包裝成飯盒,跟隨義工到長者家中派飯,她說:「早幾日已經要準備,喺屋企炆定花菇,新年食好嘢嘛,有啲fans好有心,一早嚟幫手包餃子。今次一呼百應,黃光亮仲係第一個應承過嚟幫手!」

約陳瀅去旅行



劉佩玥則獲陳煒之邀做義工,她透露以前讀書時較多時間做義工,而且最喜歡去探訪老人家:「雖然係早啲,但見到佢哋食得開心我都開心。」又笑指場內氣氛搞笑,一眾老友記十分開心。她負責煮餃子,笑謂下次要跟陳煒學包餃子!談到如何過新年?她表示想去短途旅行,望與閨密何雁詩及陳瀅同行,問到是否想有艷遇?她說:「冇喎,三個女仔想一齊去旅行玩吓,唔使淨係喺香港行街嘛!」

文:影視組

贊助商:

討論:
分享: