許志安全男班開騷遭鹹濕仔胸襲


2017-01-26 07:00

跟蹤提及過的人和物:

上一則新聞: 榮升爸爸 曉明大派利是

 

許志安前晚與四隊Band一齊開騷,18個男生在台上大兜亂表演,安仔與觸執毛主音阿水合唱《將冰山劈開》時,阿水忍不住摸安仔心口,之後又幫安仔除衫,事後安仔取笑對方有少少鹹濕。

歌手許志安前晚與DearJane、RubberBand、SupperMoment及觸執毛四隊樂隊在會展舉行音樂會,一開始由嘉賓小塵埃以《浪人》打頭陣,之後安仔邊彈結他邊唱出《我的天我的歌》,獲全場歡呼。接着四隊band出場,並唱出《YellowSubmarine》、《爛泥》等歌。全晚安仔先後和四隊bandcrossover唱歌,安仔和觸執毛主音阿水合唱《將冰山劈開》時即興跳舞,阿水情不自禁摸安仔心口!之後安仔唱《非安全地帶》除下外套,大晒麒麟臂,在旁的阿水即幫手除衫,場面搞笑。

背歌詞似鬼上身



騷後安仔與四隊band主音一齊受訪,安仔稱很難得可以18個人一齊開騷:「希望每年都可以搞類似嘅騷,可能下次係DearJane做重心,搵一啲佢想搵嘅歌手或band,將呢件事每年搞一次,咁就可以承傳呢份精神。(唱佢哋嘅歌,記歌詞難唔難?)難呀,呢個幾星期我成日喺屋企好似鬼上身咁,自己口噏噏,我隻狗都望住我,半夜三點突然喺度練歌。」講到阿水在台上摸安仔,阿水又乘機攬安仔,安仔笑言:「佢係有少少鹹濕,但佢好可愛,而且好有力量。」

文:音樂組

贊助商:

討論:
分享: