洪永城 唐詩詠「親家」見面傾婚事


2017-01-27 07:00

跟蹤提及過的人和物:

上一則新聞: 方中信禁老婆揸新車

 

洪永城與唐詩詠近期傳戀情告急,昨日再有新發展傳唐詩詠以短訊提出分手。洪永城昨日繼續否認甩拖,並大派定心丸指兩家人新年會食飯見家長。

無綫劇集《味想天開》演員洪永城、蔡思貝、黃子恆、朱晨麗、翟威廉、李君妍等昨日到中環歐陸嘉年華宣傳,吸引不少市民圍觀,場面熱鬧。洪永城與唐詩詠近期傳情變,源自一張洪永城與女友人Kanice的親密照,指他一直鍾情Kanice;後來唐詩詠又指兩人有一段時間沒見;昨日再有新發展指唐詩詠以WhatsApp提出分手,洪永城箍煲失敗,戀情愈傳愈告急。洪永城昨日受訪時再次否認分手:「新聞講得嚴重啫,我哋嘅關係唔嚴重,我哋關係冇嘢,出面寫到迂迴曲折,但係我哋嘅狀態OK嘅,希望唔好再作古仔,延伸落去。(係咪冷靜緊?)唔係,關係不嬲都好正常。(WhatsApp分手?)吓,點解嘅?冇咁嘅事,大家想像力非常好。」

努力畀信心女友



他指已經很努力給予唐詩詠信心,新年他與女友兩家人還會食飯聚會:「新年兩家人會食餐飯,傾吓偈。(順便傾婚事?)呢個可能都係一個選擇。(快啲結婚唔使咁多新聞?)如果有咁嘅打算會同大家講,好多人都問,決定唔再講,等真係有好消息先再講。(新聞出咗,有冇同唐詩詠傾吓?)有,有講吓來龍去脈,應該點處理。(同Kanice有冇聯絡?)冇,佢係幾年先見一次嘅普通朋友。」

蔡思貝避談麥秋成



蔡思貝與朱晨麗一齊受訪,蔡思貝指平日忙於工作,新年選擇留在家中陪家人共聚天倫,問到會否到麥秋成屋企拜年?她大耍太極笑說:「我會同嫲嫲、婆婆拜年,都可能會去張繼聰屋企拜年。」講到有指洪永城與唐詩詠甩拖,她們表示不相信,指兩人甚Sweet,大家還相約睇戲。

文:影視組

贊助商:

討論:
分享: