甄子丹利是無上限 諸葛恨生雞仔


2017-01-30 07:00
上一則新聞: 胡定欣為睇靚樣 摷醒唯唯囡囡

 

昨晚「宇宙最強」甄子丹出席煙花匯演時透露,有份主演的荷里活電影全球票房冠軍,並揚言派利是無上限,務求令大家開心!

「玩具大王」蔡志明兒子蔡加讚與太太汪圓圓昨晚出席旗下喜運佳.譽一鐘錶贊助的「譽滿香江煙花大匯演」,蔡志明全家總動員撐兒子,汪圓圓的父母、姐夫甄子丹與表妹湛琪清也到場支持。

甄子丹表示每年新年不論在港與否,也會盡量與家人過:「今年新年有幾日假休息,會一齊去FamilyTrip,但唔會話畀你知去邊。(你套戲《3X反恐暴族:重火力回歸》票房點?)我都唔清楚,冇Check,但好似係全球第一,最重要係口碑。(賺咁多會派過百萬利是?)邊有搵好多!公司開支好大。(預派幾多利是?)冇預算,盡量大家開心。」電影截至目前為止已收得5,100萬美元(約4億港元)票房,成績不俗。

蔡志明豪請全家遊日



蔡志明則表示今年是首次贊助煙花匯演,又透露今日起程到日本度歲:「全家加埋同事大約27人。(請晒?)請一半啦!以往係我出晒,我同同事商量過,如果我出晒就冇咁矜貴。」同場的諸葛紫岐(Marie)與老公薛嘉麟拍拖到場,問到新年願望是否再添丁?她坦言希望有這個幸運:「囝囝都想有個細佬妹,佢成日話自己係哥哥。(開工未?)有好消息會講。(擺生仔陣?)係天意,順其自然。」

另外,湛琪清日前被本報拍到與男友跟子丹一家睇戲,問到是否帶男友金承威見家長?她說:「我哋去捧表姐夫(甄子丹)套戲場,當朋友一齊睇戲。(做雞年新娘?)哈哈,唔好講。」



文:名人組

贊助商:

討論:
分享: