胡定欣為睇靚樣 摷醒唯唯囡囡


2017-01-30 07:00

跟蹤提及過的人和物:

上一則新聞: 陳華鑫望包養男友?

 

年三十晚榮升人父的梁烈唯,連日到醫院照顧太太和BB女Karina,昨日雖然見他一臉倦容去買尿片和早餐,但仍難掩做老竇喜悅。唯唯笑言:「出去行吓,有番啲私人空間,諗諗接落嚟要啲乜。(幫手餵奶?)冇喎,我冇母乳,都有幫手抱吓佢,餵母乳真係唔容易,係好難,但BB好似我,好瞓得,肚餓會嘴郁郁,埋身食一,兩啖,夠就瞓,叫佢都唔醒,所以老婆話似我,瞓咗火燭都叫唔醒,又食得瞓得,依家仲識得笑。」至於囡囡的中文名則留待師傅改。

胡定欣、袁偉豪和陳敏之亦到醫院探望Karina,定欣說:「BB好似唯唯,嘴仔向上。(BB醒咗定瞓緊覺?)佢瞓緊覺,所以係咁叫佢想佢醒,想睇清楚佢個樣。」袁偉豪說:「見BB笑笑口應該發緊夢。」問到兩人幾時開工?定欣說:「過幾日就要開工。」袁偉豪則稱會放假到初八。同樣是新手媽咪的敏之說:「封咗利是畀BB女,諗番上個月自己先喺呢度生,一個月後嚟返呢度嘞!」

贊助商:

討論:
分享: