劉佩玥黐實伍允龍唔放手


2017-01-31 07:00

跟蹤提及過的人和物:

上一則新聞: 鄭融拖老外 冇人敢催婚

 

去年事業升呢的無綫藝人劉佩玥(Moon)、邵珮詩及馬貫東趁新春佳節約埋「撈起」,望新一年繼續步步高陞!Moon雖然唔心急拍拖,但講明不會放過緋聞男友伍允龍。珮詩則面紅紅自爆有心上人,看來雞年有望脫Dry!

無綫藝人劉佩玥、邵珮詩及馬貫東去年事業大躍進,多產的Moon憑《城寨英雄》及《幕後玩家》等劇集獲網民讚賞演技出色,馬貫東憑《愛.回家之八時入席》「十仔」一角升呢,2014年港姐冠軍邵珮詩則終於有機會拍劇,更有不少戲份!三人趁新春佳節歎賀年大餐,品嘗「撈起」,寓意愈撈愈掂!

Moon事業精益求精



Moon坦言去年事業豐收,難忘在馬來西亞及新加坡得獎,新一年「重質不重量」,望演技繼續進步,亦想有更多唱歌機會及寫劇本拍短片,問到會否想奪飛躍獎?她說:「冇諗,我資歷仲太少,與其戰戰兢兢得獎,不如再做好啲!」提到與緋聞男友伍允龍組情侶檔大受歡迎,她笑言沒想過搣甩對方,不介意繼續傳緋聞:「不嬲係好朋友、好拍檔,唔使搣甩佢,佢係魔術貼咁,觀眾鍾意我哋合作!(同佢感情昇華?)工作上唔搣甩佢啫!我冇諗拍拖好耐!」

馬貫東誓搣甩「十仔」



至於珮詩講新年願望時自爆有心上人,面紅紅說:「蘇民峰師傅批我有桃花運,依家有鍾意嘅人,但係唔講得住!(主動出擊?)唔會呀!不過會喺屋企擺桃花!」她去年初嘗拍劇滋味,由《潮流教主》的乞人憎Model演到《愛》劇的開朗女生,愈來愈有觀眾緣,坦言期望今年演技有進步。而馬貫東將搣甩「十仔」拍新劇,坦言要時間適應,今年會繼續做好自己,相信有進步自然有觀眾欣賞!

場地:陶源酒家 

鳴謝:Barry@Oneness

劉佩玥化妝及髮型:AngelaShum@MelAnjo

文:影視組 

攝:劉智源

贊助商:

討論:
分享: