同事送驚喜提早慶生 楊千嬅最大心願Torres考到好學校


2017-01-31 13:05

跟蹤提及過的人和物:

上一則新聞: 鍾楚紅自爆一向冇人追:我都唔知點解

 

星島日報報道 楊千嬅與老公丁子高早前大排宴席,請來親朋戚友齊齊團年,在席間又為她提早慶祝生日。2月3日43歲生日的千嬅,撞正金雞年大年初七人日及立春日,除了收到卡通公仔生日蛋糕及生日卡外,老公丁子高為她擔任超級司儀搞熱全場氣氛,經理人林珊珊又送上一份大禮,令千嬅十分開心。千嬅笑說:「其實到咗某個數字,我就自然會低調,不過有個好活潑嘅老公,佢令我好開心,佢會成日悉心安排啲慶祝活動,今次好開心係公司同事畀咗個生日驚喜我!雞年希望老闆加人工!」講中打工仔心聲的千嬅獲得全場歡呼!

  千嬅一直家庭與事業並重,她坦言很愛家庭,所以雞年第一個心願是囝囝Torres成功考入一間理想學校。她說:「個仔入到好學校就大家都會好,咁代表我可以好投入咁去做野,我個仔考唔到學校大家就會好似陰天咁,去年我好懶惰,真係好抱歉,懶係因為要照顧小朋友,踏入2017年我會繼續努力!繼續揚名立萬,我又祝大家身體健康,未嫁快啲嫁,嫁咗快啲生仔,未娶快啲娶老婆啦!」在旁的丁子高就一直望著千嬅在微微嘴笑!千嬅今年在工作上要加把勁努力,在生育大計上又可會努力?千嬅表示,一切隨緣!丁子高則謂沒所謂!千嬅笑言,現在最緊要是電影《春嬌救志明》上映有好成績,生咗呢個先啦!

睇更多

贊助商:

討論:
分享: