孖鍾嘉欣出席活動 胡杏兒否認有喜


2017-02-02 18:08

跟蹤提及過的人和物:

上一則新聞: 結婚三個月 速遞做阿四 楊怡謙謙糖黐豆遊街

 

現年37歲的藝人 胡杏兒 在2015年下嫁圈外男友李乘德 (Philip Lee) ,在香港舉行盛大婚禮,正式成為人妻。杏兒婚後揚言要為夫家製造一個大家庭,而近日可見佢身形明顯脹了一個碼、腰粗身脹,出入平底鞋,行路小心翼翼,孕味十足﹗今日杏兒與另一靚靚人妻鍾嘉欣出席新春活動,睇吓佢係咪有好消息宣布先!

延伸閱讀:

結婚三個月 速遞做阿四 楊怡謙謙糖黐豆遊街

16餸變45例牌? TVB監製怒轟澳門食肆

兩位靚靚人妻杏兒與嘉欣BB今日下午到銅鑼灣時代廣場,出席《金龍醒獅賀新歲》活動,成功收身的嘉欣穿上紅色露腰裝,而盛傳懷孕的杏兒則穿上束腰裙、腳踏五吋鬆糕鞋,身形較早前圓潤。佢更獲大會送上「金菠蘿」吊飾,寓意早生貴子。另外嘉欣則獲贈兩件小童棉襖,一件送俾女兒Kelly,另一件則寓意佢為女兒再添一個弟妹!

嘉欣接受訪問時表示第一年跟老公及女兒Kelly一家三口出動拜年,感覺非常溫馨。但就話自己和老公都比較西化,唔太熟悉農曆新年的傳統習俗,不過和雙方家人都有食飯聚舊,帶女兒逗逗利是。提到網民盛讚Kelly非常可愛,嘉欣指每一位媽媽都會覺得自己的孩子係最可愛、最漂亮,自己十分享受現時照顧Kelly的生活;不過冇特別希望追多個B,一切都係順其自然!

對於近日盛傳懷孕,杏兒笑言大家比佢自己還要緊張,令佢自己都有啲壓力,不過強調有好消息一定會同大家講,承大家貴言!杏兒稱自己尚未完成手頭上工作,正參演的內地劇要拍到四月,不過就唔會拍完後全面停工造人。而睇中醫方面,佢表示自己一向有睇中醫調理身體,不過唔係為了生B。至於被問到有冇向同場的鍾嘉欣請教生仔心得,杏兒就是笑指對方只係傳授湊女心得較多!

全文完

延伸閱讀:

鄭中基尾場騷 老婆仔女上台晒溫情

贊助商:

討論:
分享: