結婚三個月 速遞做阿四 楊怡謙謙糖黐豆遊街


2017-02-02 16:19

跟蹤提及過的人和物:

上一則新聞: 娶過埠新娘被嘲笑 自卑男騷妻相全場靜哂

 

去年10月正式在港擺酒結婚的 楊怡 和羅仲謙,婚後一直相當恩愛,不時在網上放閃。不過最近有傳謙謙與內地女星朱銳拍激咀床戲前冇向阿怡備案,激嬲對方!得罪老婆大人,謙謙當然不敢怠慢,早前立即由台東飛到上海,陪老婆又玩又食又濕平,連人肉GPS都做埋!謙謙肯做阿四贖罪,羅太應該收貨唔再嬲豬啦!

延伸閱讀:

16餸變45例牌? TVB監製怒轟澳門食肆

鄭中基尾場騷 老婆仔女上台晒溫情拍床戲冇備案

早前有傳謙謙與有「男神收割機」之稱的內地女星朱銳,在電視劇《無間道》拍攝一場激咀床戲前,未有向阿怡備案,所以激親老婆,事後即刻在微博上載一張頭戴金剛箍的仔扭耳相隔空認錯。表面上只是兩公婆耍花槍,但其實阿怡的確因為謙謙冇備案而唔高興,回覆本刊記者時更語帶怒氣表示未睇過該場咀戲!

飛上海謝罪

心知阿怡動真火,身在台東拍戲的謙謙不敢怠慢,趁有兩個星期大假,立即急飛上海謝罪!本刊早前直擊阿怡謙謙甜蜜漫遊上海,兩人第一站先去到港人最愛的「佳家湯包」食lunch,雖然餐廳大排長龍,但謙謙為讓老婆試到新鮮蒸好的小籠包,仍肯冒住寒風企街排隊!

化身人肉GPS

食飽飽後,阿怡想去濕平買衫,但人生路不熟唔知去邊好,於是謙謙即時化身人肉GPS,拎住電話搵路,最終成功去到上海新天地瘋狂行街街!一入商場,楊怡已經花多眼亂不斷左望右望,九秒九衝入其中一間時裝店睇衫,而謙謙亦好識做,默默尾隨,見老婆拎起一件女裝牛仔褸,即幫眼俾意見,唔使十分鐘已經有斬穫。

十指緊扣放閃

開始進入忘我狀態的阿怡,買完衫後又衝去其他檔口睇頭箍,左揀右揀,買完頭箍再行過隔離舖頭睇眼鏡,逐副對住塊鏡試戴。之後楊怡又拉老公睇家品,對住一大堆卡通長襪愛不釋手,謙謙則全程罰企一樣乖乖呆等,丁點唔耐煩都冇!過足購物癮,楊怡見老公表現良好,即使沿途被唔少路人認出,仍肯當眾拖手,十指緊扣放閃!

努力造人

據知身為家中獨子的謙謙,一直希望楊怡盡快生B為羅家繼後香燈,加上現時謙謙事業開始扶搖直上,有能力擔起頭家養妻活兒,故近日一有時間即黐實老婆密密造人,嚟緊新年亦會由無錫趕返香港陪楊怡過年。謙謙咁努力造人,相信好快會有好消息!

全文完

延伸閱讀:

《乘勝狙擊》老千魔術 靠幕後功臣美女魔術師

贊助商:

討論:
分享: