陳庭欣浸溫泉浴場(目及)嘢 高海寧拍拖拜年


2017-02-04 07:00

跟蹤提及過的人和物:

上一則新聞: 吳麗珠爆魯芬已出院

 

前港姐冠軍陳庭欣(Toby)趁農曆新年有幾日假期,日前跟友人一行十人到日本大阪旅行,新春時節當地有不少香港及內地旅客,沿途不斷有人認得Toby並送上祝賀說話,令她格外開心!

浸私人場僅露背



第二次遊日本的Toby喪食喪玩,最難忘是首度享受露天溫泉,不過為免33C「蜜桃胸」被睇蝕,她預約了私人浴場,獨個兒浸溫泉歎世界,就算自拍都圍上毛巾,僅輕露玉背,她笑說:「呢個溫泉旅館有個大浴場,分開男女光脫脫浸浴,我怕醜,當然揀私人浴場啦!但我都有八卦走去大浴場望吓,大開眼界,原來真係咁傳統!好多香港人都唔介意入鄉隨俗完全唔着,大家都唔尷尬喎!」

戀情逐漸浮面



此外,無綫咪神高海寧(高Ling)上月中到馬爾代夫旅遊,她再上載身穿泳衣大晒性感美背照,十分誘人!而她昨日返電視城拍攝新劇《抱佣情人》,笑言旅遊時拍下大量照片:「嗰度人人都着泳衣、裙仔,唔係好性感啫!(馬爾代夫係咪夢想結婚地方?)第一次去,我唔識游水,本來對陽光海灘冇憧憬,去到發現個海咁靚,有機會想再去。」此外,黃宗澤日前上載與眾藝人到苗僑偉家團拜相片,發現高Ling跟緋聞男友鄧智偉同場,網民指兩人戀情浮面,她笑說:「三哥邀請我哋,咪一齊去囉!仲有好多人。(畀人催婚?)冇呀!(有冇帶佢見家長拜年﹖)未呀,冇呀!」

文:影視組

贊助商:

討論:
分享: