謝天華紅館吊高喊驚!


2017-02-05 07:00
上一則新聞: 郭可頌父愛爆棚撩細路

 

鄭嘉穎、謝天華等人昨日出席《風雲5D音樂劇》開年禮,眾人分享排練進度,飾演聶風的謝天華預告屆時要吊威吔升高至紅館天花,離地三、四十呎,畏高的他高喊驚驚!而飾演步驚雲的嘉穎則被踢爆到時要騷肌,故現時正努力操肌谷麒麟臂!

藝人鄭嘉穎、謝天華、譚耀文、胡琳、閻奕格、鄭丹瑞、製作人陳淑芬、《風雲》漫畫原著作者馬榮成等人昨日出席《風雲5D音樂劇》開年禮,席間公布四個角色的造型,天華、閻奕格、譚耀文、胡琳分別獻唱劇中歌曲。「聶風」天華在台上表示入行以來未試過被人糟質得這麼厲害:「錄音高要求,跳舞又有好多高難度動作,我仲要成日吊威吔飛嚟飛去,最大挑戰係紅館好高,我有少少畏高,都驚驚(口架)!紅館天花到地下都有三、四十呎,雖然未試位,希望佢哋盡量減低距離,唔好嚇親。」

錄音唱歌遇挫敗感



「步驚雲」嘉穎則謂錄音時被監製鮑比達搞到很有挫敗感:「以前唔發覺唱歌有呢啲問題,所以今次錄完歌得着都好大。」期間天華踢爆嘉穎要騷肌,嘉穎說:「有啲啦,啱番個角色,依家都操緊,因為時間唔多,19、20日已經要總綵排。」問到可會與女友陳凱琳一齊練?他即拉天華落水:「我呢兩個月嘅拍檔係佢。」天華即搞笑說不知誰是陳凱琳,嘉穎笑言遲些介紹他識!

胡琳幻想深愛對手



飾演孔慈的閻奕格古裝造型曝光,她大讚造型很靚,飾演楚楚的胡琳更想快些試造型,同是歌手出身的兩人對今次演出很大壓力,閻奕格直言跟天華排戲很緊張:「我好怕醜、好緊張,天華哥好好戲,如果我做得唔好就好大分別,不過佢好nice,畀好多意見我。」胡琳暫時未跟嘉穎對戲,所以她練習時要加入幻想:「我唱咗唔夠十句歌詞已經好投入,深深愛上佢,下次若果同佢對戲嘅話,效果應該會好澎湃!」

至於飾演無名的譚耀文抱病現身,表示今次最大挑戰是健康:「起碼嗰幾日要保持狀態,唔可以亂食嘢,同埋唔玩太多電話,要集中精神練。」他指最驚是踩台綵排:「驚鮑比達會發脾氣,如果去到嗰日仲有差錯肯定鬧爆,所以依家要做多啲工夫。」

文:音樂組

攝:劉斌

贊助商:

討論:
分享: