帶挈余文樂入圍 曾志偉讚阿仔威水望父子檔拎獎


2017-02-07 18:36

跟蹤提及過的人和物:

上一則新聞: 小S大展廚藝 許老三不愛孔劉愛瓜仔肉

 

星島日報報道 曾志偉到日本餐廳擔任開幕嘉賓,同場更有日本最頂尖相撲手白鵬翔坐陣。曾志偉憑電影《一念無明》入圍競逐金像獎「最住男配角」。志偉接過記者恭喜後,他笑笑說:「最開心係個仔 (曾國祥) 有提名啦!《一念無明》都競逐多個獎項,不過我第1個訊息係畀樂仔 (余文樂) ,我搵佢拍嘅時候問佢提名過金像獎未,呢套戲應該有提名,佢亦都好用心做。」志偉透露余文樂去年金馬獎未獲提名感到失望,他笑說:「今次主場就唔同喇!好戥佢開心!」

  志偉表示第2個發出的訊息,就是給兒子曾國祥。他笑說:「《七月與安生》提名12個獎項。 (威過老竇!) 威過老豆梗係好啦!呢半年大豐收,好多好消息,首先金馬獎,之後我又中馬啦,依家又金像獎。」問到對男配角可有信心?他說:「對手都係老友,提名已經好開心,邊個攞都無所謂。到時我一家到,當然最希望同個仔一齊攞獎啦!」

  另外,日前魯芬病逝,魯芬曾於訪問中提及,跟曾志偉的關係亦師亦友。曾偉說:「都靠佢自己努力,成份人好有義氣,成個男人咁。佢個造型香港無,做惡霸又得,外表巴巴閉心地善良又得。男嘅就大傻 (成奎安) ,女嘅係佢。」志偉透露魯芬私底下跟家人關係很好,並說:「個消息我好早知,當日都有記者搵我,我唔想講,好難過。」

睇更多

贊助商:

討論:
分享: