馬國明教蕭正楠作反(目及)女


2017-02-07 07:00
上一則新聞: 陳寶珠好身手急停避撞

 

無綫重頭劇《深宮計》昨日首日開工,飾演將軍的馬國明與蕭正楠(Edwin)直言新劇女多男少,有女友的Edwin直言不會(目及)女,馬國明卻說:「點解唔望得呀!結咗婚都可以望!」至於「美魔女」羅霖闊別20年再拍劇,直言緊張得心跳加速!

藝人馬國明、蕭正楠、羅霖、張慧儀及張文慈(Pinky)昨日在電視城為重頭劇《深宮計》開工,因是首日拍攝,眾人都表示很緊張,監製梅小青事前更到場監工,與導演及工作人員討論拍攝細節,相當認真。

「結咗婚都可以望」



飾演將軍的馬國明笑言首日開工心情很怯,台前幕後都要時間磨合,講到新劇女多男少,他表示暫時不覺得嘈吵:「大家都好靜喎!自己睇劇本,可能仲適應緊環境。」Edwin笑說:「可能過多幾日會打麻雀!」問到是否眼睛吃冰淇淋?馬國明笑言一定要盡情享受望女仔,已有女友黃翠如的Edwin卻說:「我留番畀馬明望啦!」馬國明笑說:「點解唔望得呀!咁多靚女,結咗婚都可以望!」講到跟緋聞女友黃心穎有感情線,馬國明表示尚未有詳細劇本:「未知係點,只知我救咗佢,所以佢鍾意我。(可以假戲真做?)你鍾意點講就點講啦!」

已逾廿年沒有拍劇的羅霖表示既要練行路,又要記長對白,難度十足:「尋晚已經背熟晒啲對白,但大家都要求好嚴謹,我又第一次演古裝,好耐冇試過咁心跳加速!」她表示跟張慧儀不乏嗌交戲,因兩人是世仇:「拍嗌交戲都辛苦,我平時少鬧人,最多係鬧仔,但佢哋唔會駁嘴,不過監製話我要高貴咁鬧人,唔可以潑婦罵街。」

張文慈露「峰」頭



至於Pinky因束腰而上圍澎湃露「峰」頭,相當養眼!她與慧儀均有大量工夫要準備,Pinky說:「最難係挑戰文言文、造手,依家心情似入訓練營,呢半年唔理出面所有嘢。」問會否怕女人戲多是非?慧儀說:「拭目以待啦!宮廷戲少不免。」至於港姐王卓淇飾演慧儀得力助手,身形纖瘦的她說要增肥。

文:影視組

贊助商:

討論:
分享: