曹永廉潑冷水阻翠如嫁蕭正楠


2017-02-10 07:00

跟蹤提及過的人和物:

上一則新聞: 吳業坤重演霧化場面

 

蕭正楠被指放風聲想娶女友黃翠如,日前他與曹永廉出席活動時遭好兄弟逼供。不過與翠如同樣老友的阿廉,直言雖想兄弟結婚,但亦「唔想累咗翠如」!而翠如昨日出席活動時,提到情人節或將收到男友「求婚驚喜」,她直言機會是零,更大爆阿廉不時提她睇清楚先!

圈中愛侶蕭正楠(Edwin)與黃翠如感情穩定,早前有指男方放聲氣想今年內送上「求婚驚喜」。Edwin前晚與曹永廉、田蕊妮等出席新劇《超時空男臣》煞科宴,阿廉笑指兄弟二人為新劇「朝夕相對」,如今拍畢終可「分手」:「不知幾開心,對咗幾個月。不過都會喺廠見到啦,佢要拍《深宮計》,我三月開另一部!」Edwin則透露正為《深宮計》一場落水戲積極操肌,晚上戒澱粉質的他誓言搣甩「肥蕭」外號。

阿廉趁機向Edwin逼供,問到情人節與黃翠如將如何度過?Edwin大賣關子:「唔講你知,有報道話我結婚,個個打嚟恭喜我,我係話諗吓先!」身為老友的阿廉直言想他早日「請飲」:「但係又唔想累咗翠如喎,真係要再諗諗!」

情人節難有驚喜



而女主角黃翠如昨日於屯門出席情人節活動,透露情人節當天要拍劇。提到男友Edwin可能會在情人節送上求婚驚喜?她斬釘截鐵說:「呢個機會係零!(你唔畀機會佢?)佢冇可能有時間去準備任何嘢,佢開緊《深宮計》,密集式咁開。(停廠畀你哋求婚?)太多大卡士喇!」問到是否有心理準備迎接求婚?翠如直言未有:「大家相處好開心,之前都比較忙,想拍吓拖先。(拍多幾年?)放假就得喇,想有個Break。(兩家人去旅行結埋婚?)咁真係好趕喎!我要聽阿廉講睇清楚佢(蕭正楠)先,佢(阿廉)成日都想左右我哋感情!」

文:影視組

贊助商:

討論:
分享: