王君馨馬國開首飾店 賀甜蜜情人節


2017-02-13 07:00

跟蹤提及過的人和物:

上一則新聞: 吳業坤呃Like惹火 驚青刪留言

 

藝人王君馨(Grace)昨日以白色低V裙微露事業線,到荔枝角出席長江實業宇晴滙的「奔Fun小雞沾福氣」活動。談到婚前最後一個情人節,她說:「會喺馬來西亞過,我喺當地開第三間首飾店。(未婚夫都去?)唔知,可能有驚喜!我哋拍拖11年,未試過情人節一齊食飯,我唔需要收花,情人節一齊食餐飯已經係好好嘅禮物!」

Grace被追問婚期時說:「仲未定,我想夏天同秋天之間,其實我唔知趕唔趕得切今年內進行,鍾嘉欣之前提我最少預半年籌備,我仲以為好快搞得掂,點知試婚紗三心兩意,依家打算pre-wedding性感少少,同埋會去一個未去過又比較熱嘅地方影婚紗相。(苟芸慧體態回勇,為佢訂性感姊妹裙?)佢就算唔露都好靚,唔好喺我結婚嗰陣咁性感啦!(佢同緋聞男友陸漢洋都鍾意賽車?)我未見過佢男友,希望佢男友好好睇住苟姑娘,唔係發生咩事呢,就唯佢是問!」

贊助商:

討論:
分享: