譚耀文做無名英雄唔見8位數


2017-02-17 07:00

跟蹤提及過的人和物:

上一則新聞: 莊思敏暗寸前經理人唔掂?

 

唱而優則演的譚耀文為4月紅館的音樂劇,推掉電影及電視劇工作,保守估計損失逾8位數!為了演繹「無名」角色,他努力減磅修身,連最愛的消夜習慣也被迫戒掉。

譚耀文開始為4月紅館舉行的《風雲5D音樂劇》展開綵排,劇中他飾演「天下第一劍」無名,故事由看破紅塵的無名去勸喻、制止這場風雲的鬥爭。今次與一班好戲之人黎耀祥、鄭嘉穎、謝天華等合作,應該會有火花。屆時他會演唱4至5首歌,他說:「做音樂劇,唱歌技巧係好緊要,但戲方面同樣重要,既要配合劇情、畫面,用聲音表達,要將情感爆發出嚟去感動觀眾。」

「係一個使命」



為了今次音樂劇,事前要花長時間準備,阿譚承認推掉不少電影、電視劇,問到是否推了層樓(樓價)落街?阿譚笑說:「咁平層樓?(兩層?)唔係,半層。(獨立屋呀?)新界區。」阿譚坦言推了一部好想拍的電影,也推了一部90集類似《刑事偵緝檔案》題材的內地劇。他說:「部戲係好想拍,但可能第日會拍得番,始終電影機會多啲,但音樂劇真係好少機會,咁大成本、咁新穎5D,仲要係《風雲》,全世界有好多粉絲,我覺得係一個使命,希望可以成就到馬榮成畫出嚟嘅人物延續落去,《風雲》係香港藝術文化一個好好資產。」

睇漫畫好小心



阿譚以前有追看漫畫《風雲》,今次音樂劇中「無名」有段戲很精彩,他說:「馬榮成好好人,佢將自己本修訂版借畀我睇,嗰幾集好集中講無名底細。」並笑言馬榮成客氣地叮囑他要睇得小心,故他不敢弄污漫畫。

為了以最弗狀態演出,阿譚已展開減肥計劃:「之前已減咗10磅,想再減10磅,希望去到148磅。我好佩服啲行家,個個都keep得好犀利,好似發哥(周潤發)咁。」阿譚已經戒油、味精、澱粉質,鹽也少食,不過他笑說:「唔好跟我學,我半桶o架咋。」一向有食消夜習慣的阿譚直言最難忍:「有排餓,我夜晚唔食啲嘢先瞓會瞓唔到,真係好肚餓就食塊威化餅,唔可以甜要鹹,再加杯脫脂奶,將啲餅整碎溝嚟食頂一頂。」

場地:hmvKafe

化妝:[email protected]

髮型:[email protected]

文:音樂組

攝:吳文聰

贊助商:

討論:
分享: