政情:自爆獲借名跑車 陳淑莊有追求者?


2017-02-22 07:00

跟蹤提及過的人和物:

上一則新聞: 政情:升呢波叔 過半日特首癮

 

曾經講過未有普選就唔會結婚嘅立法會議員陳淑莊(Tanya),一直係城中鑽石剩女,佢尋日同傳媒飯敍時,自爆有人向佢借出benz跑車,借出跑車畀佢揸咁闊綽,唔通係新追求者?

澄清借車朋友有老婆



Tanya尋日喺飯敍時提到,自己由十九歲至二十九歲都有揸車,當年考車牌更加係「一takepass」,但後來因為泊車麻煩同不時撞花架車,於是就改為搭公共交通工具。佢自爆,雖然多年無再揸車,但近日竟然有朋友願意借出benz跑車畀佢喎,連身旁嘅黨友譚文豪都驚問,係乜嘢朋友咁闊綽?仲笑言要Tanya介紹畀佢識添!

聽到譚文豪都咁緊張追問,Tanya就解釋,願意借出跑車畀佢嘅朋友已經有老婆,叫大家唔好心多,跟住又寸譚文豪係立法會樓王,要跑車自己買就得喇!上年暑假曾經獨闖阿根廷嘅Tanya又透露,今年三月會獨自孭住背囊去伊朗旅行十日,今次要包頭巾又要包Patpat,都算係初體驗嘞!

贊助商:

討論:
分享: