黃心穎約會馬國明有陰影


2017-02-24 07:00

跟蹤提及過的人和物:

上一則新聞: 阿倫睇AV增值:係課外活動

 

黃智賢、黃心穎、C君與蔣家旻前晚在灣仔拍攝無綫劇集《雜警奇兵》的查案戲份,黃智賢與C君甫見心穎,即一唱一和取笑她與馬國明的緋聞。心穎笑說:「習慣晒啦,佢哋唔玩反而唔慣添。」問到戀情進展如何?她說:「呢排大家都要開工,冇咩時間溝通,忙到連家姐生咗BB都冇時間探佢。(帶埋馬國明去探囉。)咁又唔關事。」心穎坦言要與馬國明加深了解:「食多幾次飯,睇多幾次戲了解吓好啲,但係都有恐懼,就算唔係記者影,都驚讀者會影相,希望有多啲私隱,大家畀多啲空間。(大家戥你哋開心。)到真係好開心先同大家講啦。」

C君指稍後會與「終極偶像」黃子華拍電影,但卻有心理障礙:「心裏面好崇拜佢,但做戲又要鬧佢喎,我問佢點做呢,子華話到時就得o架喇,自己抱住睇明星嘅心態去拍。」

贊助商:

討論:
分享: