奶奶愛駒跑第三 十萬獎金 楊千嬅空手而回


2017-02-27 07:00

跟蹤提及過的人和物:

上一則新聞: 曾志偉讚亨亨做得好

 

楊千嬅昨日與老公丁子高、囝囝和父母現身沙田馬場,原來是捧奶奶黃淑貞旗下的愛駒「野孩子」出賽,最後勇奪第三名,獲得近十萬元獎金!丁子高接受電話訪問時表示未有因而慶功:「冇乜特別,加上囝囝聽朝要返學,賽後大家返屋企。不過最開心係媽咪,全家都去馬場,孫又喺度仲開心。囝囝都唔知發生乜事,只係見到啲動物跑來跑去。」問到母親會否再養多隻馬,他說:「我聽佢講,養馬好多煩嘢。(你買隻馬養?)我冇呢方面興趣,對賭博都冇興趣,咁耐以嚟都係投注『野孩子』一兩次,今次都冇買。」

千嬅受訪時說沒有落注:「我哋一家三口支持奶奶,順便同長輩家庭聚會,我都冇買馬呀,我好少賭錢㗎!個仔好耐冇見嫲嫲,咁又有公公婆婆嫲嫲,咪當家庭聚會囉,囝囝都唔知發生乜事,跑嚟跑去食嘢同見吓啲大人。」昨日馬場星光熠熠,女星趙雅芝與丈夫黃錦燊恩愛現身,洪金寶愛駒「飛雲寶」出戰第六場跑第七、博愛醫院主席李妮愛駒「洪荒駿駒」在第六場跑第十。

贊助商:

討論:
分享: