曾志偉讚亨亨做得好


2017-02-27 07:00
上一則新聞: 「Ball場三劍俠」亨亨哀傷 劉坤銘難過

 

曾志偉昨晚出席無綫主播李漫芬的婚禮,他說:「最近一個婚禮兩個葬禮,心情真係好複雜,魯芬都話知有病,(胡)家驊就真係冇徵兆,我哋好好朋友,都知佢愛駒出賽贏咗,覺得許晉亨好啱,佢捧住獎盃向天講佢隻馬贏咗,做得好好!(胡家驊葬禮會出席?)電影剛開鏡未必去到。(問候吳婉芳?)冇,佢話叫大家畀啲空間嘛!」

名媛薛芷倫與胡家驊夫婦相熟,每年大除夕Ball,幾家人均會一起慶祝,對好友猝逝十分難過,她大讚胡家驊是好好先生,對朋友好、愛錫妻兒:「有一排見佢瘦咗,我仲笑佢唔染頭髮,佢話銀色頭髮仲型啦!其實佢唔舒服咗一排,但接受治療後已經好番,冇事。(佢乜嘢病?)我係聽熟朋友講,冇特別問,要畀番私人空間佢。」同是馬主的藝人馬德鐘,常在馬場與胡家驊碰面,馬德鐘表示最後一次是1月22日在馬場見,當時胡家驊很精神,又讚對方為人隨和有禮。

贊助商:

討論:
分享: