宣萱珍惜機會想同張衞健再合作


2017-03-02 07:00
上一則新聞: 徐若瑄愛心水餃餵囝囝

 

宣萱近來不時拍無綫劇集,繼之前的《不懂撒嬌的女人》後,最近為新劇《使徒行者2》拍攝,前晚她與仙樂都出席首映禮時被問到舊愛張衞健重返無綫拍新劇《大帥哥》,會否想與對方合作時,宣萱坦言不介意,但要視乎劇本及機會,她說:「我哋嗰代仲拍戲嘅唔多,再遇到嘅機會好微,所以有機會會好珍惜,多啲舊人返嚟拍劇都好,畫面會豐富啲,好多人都仲想睇我哋舊一輩。」而《使》劇還有兩天便拍畢,她表示劇中與陳豪有對手戲,笑言總算完成心願:「十幾年前已想同陳豪合作,可惜今次戲份唔多,合作嘅感覺好舒服,希望下次再合作。(再接劇?)如果係杜之克(無綫高層)就得,因為比較舒服,同埋今次嘅線比較多同平均,有足夠時間休息。」

曹永廉開金口



而曹永廉前晚為無綫音樂節目錄影,之後他為《大帥哥》拍攝到佛山取景,拍足半年,故短期內未能搵外快,阿廉都話冇計:「順其自然啦!好在我同洪天明盤生意上晒軌道,楊怡、吳卓羲同方力申又啱啱加入,我睇好前景,目標係上市。」首度於節目擔任主持兼開金口的他表示十多年沒唱歌,心情很緊張,幸好收視不錯。

文:影視組

贊助商:

討論:
分享: