與王浩信再續前緣 婚紗千雪BB海邊晒線


2017-03-02 19:27

跟蹤提及過的人和物:

上一則新聞: 《迷》痛失愛女 田蕊妮崩潰痛哭流涕

 

朱千雪 與王浩信去年在劇集《EU超時任務》中由冤家變為戀人,呢對螢幕情侶深受觀眾喜愛,所以監製林志華食住個勢,喺新劇《踩過界》特別安排千雪客串一角。早前兩人去到石澳拍外景,千雪拍一次傷心喊戲但又流唔出眼淚,要用眼藥水幫忙!另外千雪又換上婚紗到海邊取景,女神仙氣逼人之餘,又不經意輕露事業線,好索呀!

撰文:東方新地

延伸閱讀:

《迷》痛失愛女 田蕊妮崩潰痛哭流涕

熊子逸身世悲慘 薛家燕曾施援手假使飛返過去 前夜會遇着誰

去年大熱的《EU超時任務》由朱千雪、王浩信及袁偉豪擔大旗,其實卡士只屬一般,而且穿越時空的情節被指抄襲,播出初期並未被外界所看好。不過劇情隨發展變得波瀾曲折,吸引觀眾晚晚追看及推理,大結局更是喊死人!

「Madam Ling」及「渠頭」後來在台慶奪得「最受歡迎劇集搭檔獎」,可惜未能取得任何個人獎項,叫不少人大感失望!

眼藥水拍喊戲

雖然《EU》有冇續集仍是未知數,不過千雪將在新劇《踩過界》中再結片緣!早前一眾《踩》演員到石澳取景拍攝,當日其中一場戲,講述千雪同初戀情人王浩信嚟個擁抱後喊住咁走。埋位拍攝時,千雪做到個傷心的表情,但就偏偏喊唔出、冇眼淚,最後佢在褸袋攞咗支眼藥水出嚟滴,補番個近鏡大頭就搞掂!

婚紗Look仙氣逼人

千雪BB其後換上婚紗到海邊取景,場戲講佢情深回望,回眸一笑,果然係仙氣女神呀!之後千雪BB烏低身時又唔覺意輕露事業線,真係流晒鼻血!

美貌與智慧與勤奮並重

千雪BB畢業於加拿大名校西門菲莎大學,回流選港姐入行後依然有顆好學的心,2015年時停工一年修讀中文大學碩士課程,現今繼續在城市大學修讀法律博士。雖然邊讀書邊在律師樓實習,不過千雪亦不忘兼顧演藝事業,據知佢同王浩信在《踩》的一段情,係同《EU》有少少承接,所以百忙都幫手客串,好夠義氣!

全文完

延伸閱讀:

韓風密密吹 男神女神輪流襲港

贊助商:

討論:
分享: