陸詩韻收錢去飯局搵阿爸陪


2017-03-03 07:00

跟蹤提及過的人和物:

上一則新聞: 條子回歸苟芸慧狀態大勇

 

娛樂圈的富豪飯局屢有傳聞,不少女星也自揭被問飯局價。藝人陸詩韻不諱言曾收到邀請,她認為每個人心目中都有個價,男女亦然。36歲的她,經歷過感情被騙後,自言找老公坦誠最重要,就算年長20年也沒問題!

陸詩韻於2005年參選港姐,入行至今12年,期間曾退隱幫手打理家族生意,現時亦有做網上內衣生意及護膚品代理,親自設計兼做生招牌;而幕前方面則為自由身,她覺得要找一個好的經理人並不容易。近年她主力打理生意,有時會飛到日本傾談,她坦言有港姐背景有着數:「佢哋知我係香港小姐好放心,覺得唔會走數,呢個係做藝人嘅好處、着數。」

擇偶大20年都OK



做藝人賺錢容易,女星陪吃一頓飯的價錢可以去到7位數字!陸詩韻坦言曾收到邀請:「有人問過有冇興趣食餐飯傾吓偈,我有試過出去,仲係爸爸陪我去,佢擔心我,所以車我去等我,最後當然好安全啦!其實每個人心目中都有個價,唔只女人,男人都有,蘇永康都有啦!(編按:蘇永康曾因被邀出騷價3,000元而感受辱)就算剪綵或者做乜工作都有個價,總之自己感覺舒服先會做。」

現年30有6的她可心急結婚?她笑說:「如果就咁成家立室,我未滿足,事業上希望再衝刺。(想要成功定愛情?)感情方面我謹慎咗好多,會瞻前顧後,好多嘢都會卻步。曾經歷前度有段婚姻,我覺得兩個人一齊應該坦白,就算未搞掂(離婚手續)都可以話仲要幾耐!既然搞唔清楚件事,就無謂勉強。」她認為有情不可以飲水飽,女人應該鞏固自己事業才談情說愛。至於擇偶條件,她說:「年紀大20年都冇問題,但一定要孝順同有上進心,我覺得一個孝順嘅人唔會衰得去邊。」

文:名人組

贊助商:

討論:
分享: