黃宗澤鬧蕭正楠思想污穢


2017-03-04 07:00
上一則新聞: 張秀文憂老公變質:寧願要鑽石!

 

最近患上腸胃炎絞肚痛的黃宗澤在網上被蕭正楠取笑,昨日他趁新劇記者會向蕭正楠女友黃翠如投訴:「叫你啲家人思想唔好咁污穢!」翠如自爆被蕭正楠當成男仔,出街也不拖手,黃宗澤對此笑說:「我哋三條仔(黃宗澤、張繼聰、蕭正楠)仲親密過佢哋。」

無綫劇集《溏心風暴3》演員黃宗澤、黃翠如、王浩信、岑麗香、李司棋、夏雨、米雪和關菊英昨日在荃灣一間茶餐廳舉行記者會,眾演員親手炮製奶油豬和沖奶茶比試一番。最近黃宗澤患上腸胃炎但仍不忘操肌,卻被蕭正楠在網上留言取笑:「咇咗出嚟就唔好。」消瘦不少的黃宗澤指現時肚子仍不適,他對翠如「問罪」笑說:「叫你啲家人(指其男友蕭正楠)思想唔好咁污穢,成日都諗埋啲屎屎尿尿。」翠如笑說:「收到、收到,唔關我事嘅。」

拍拖唔拖手被揶揄



黃宗澤與翠如在劇中由兄弟情開始,但劇情暫時未見有咀戲,翠如笑說:「有場戲我喺屋企着得好性感,但佢就無視我。」兩人曾在《幕後玩家》拍過激咀戲,問蕭正楠會否較放心?黃宗澤說:「佢兩個私下係點我就唔知,我哋四個張繼聰、蕭正楠、翠如就好似兄弟咁玩,成日互窒,其實我哋三條仔阿聰、阿蕭仲親密過佢哋(指黃翠如、蕭正楠)。」翠如說:「佢當我係仔,我哋出街唔拖手。」黃宗澤笑問:「咁拍拖做啲乜?」翠如說:「淨係傾偈囉,你哋真係好冤氣。」

王浩信為香香加油



岑麗香則感受到與眾前輩合作的壓力,王浩信還成為她的信心加油站,王浩信說:「佢成日懷疑自己做得唔好、冇自信,我同佢講將自己最好一面做出嚟就得。」香香則說:「因為啱啱開始,自己都要摸索角色,唔知做得啱唔啱。」

王浩信和香香劇中親熱場面不多,問老公強強可接受她拍親熱戲?香香說:「呢個係我嘅工作,如果要拍親熱戲都會預先溝通,同埋都係睇劇情需要。」王浩信則指在茶餐廳拍攝比起平時開工食飯盒好得多,但亦因此增磅。

文:影視組

贊助商:

討論:
分享: