趙碩之裸睡遇鹹濕鬼


2017-03-06 07:00

跟蹤提及過的人和物:

上一則新聞: 炎亞綸護友鬧爆騙子

 

趙碩之、邵仲衡及車保羅等昨日出席ViuTV劇集《詭探》開鏡儀式,碩之在劇中飾演私家偵探,問到現實中會否check男友?她笑指以前有檢查男友手機:「好易見到,寧願唔知。(發現啲咩?)冇乜嘢,佢身邊多狂蜂浪蝶,自己都有人追,如果男友check我電話都會唔開心!」談到劇集涉及靈異題材,她指自己感應到,但身為基督徒並不害怕,又分享一次出埠經歷:「有位住我樓上嘅女星話間房有鹹濕鬼,佢鬧走之後,我就喺房見到個影飄落嚟,我對佢講『你喺度呀?』(有冇着多件衫?)冇喎。(裸睡?)係呀,有冚被嘛!」

一開機片場靜晒



而邵仲衡則飾演茅山師傅,透露劇集取材自多年前的火車廣告、公屋甚至結界等,問到會否避忌,他指起初不習慣,但拍劇時由師傅身上學到似佛教又似道教的道理,以及不少手勢,學多了一門技術。談到劇集提及近期多人討論的結界,他說:「結界一直都存在,幾特別,太太都問怕唔怕撞邪。(有嘢護身?)有做法事,明明個廠好嘈,一開機就靜晒,真係信則有,不信則無!」

至於近日抱男孫榮升爺爺的車保羅,指太太對孫仔愛不釋手,見BB會先送吻:「同佢講要生性,有排捱。」他又表示新抱是菲律賓籍,孫仔將來會讀國際學校,他說:「我教佢普通話,唔憂冇嘢做。」

文:影視組

_

贊助商:

討論:
分享: