黃心穎 馬國明「扯大纜」感情冇進展


2017-03-07 07:00

跟蹤提及過的人和物:

上一則新聞: AGA醉住講道理

 

黃心穎與黃智雯等前晚出席無綫新劇《雜警奇兵》煞科宴,心穎被問到拍畢該劇後有何大計?她笑稱要拍好《深宮計》,問到是否因為心急見同劇的緋聞男友馬國明?她即自認怕醜:「你講邊個呀?我今日係見心悠呀!(同馬國明咩進度?)冇進度呀!(佢唔進取?)大家都唔進取!(怕醜?)係啩!順其自然啦!」問到何時有對手戲?她說:「寫咗㗎啦,不過未拍,有單戀、相戀呀、尷尬咁囉!(咀戲?)未寫,不過條線幾得意嘅,幾期待,暫時未知結局。」記者笑指想知道兩人現實中的結局,她即尷尬地說:「我都唔知呀!」同場的黃智雯則希望拍畢劇集後,趁休息期間飛往紐約進修戲劇及跳舞課程。

另一邊廂,馬國明昨日以古裝造型現身電視城拍攝《深》劇,提到不少網民都睇好他與心穎在感情上有好發展,他說:「咁犀利?多謝!我唔知呢,你問吓佢!」問到與心穎何時有對手戲?他說:「遲啲,嗰場戲講我救咗佢,佢就對我有好感,會傾慕我。(同現實中你哋嘅關係似唔似?)唔似,我冇救過佢,亦都Feel唔到佢傾慕我。」問到有否再約心穎睇戲?他說:「冇啦,好耐都冇睇戲。(你太慢熱?)劇中角色好慢熱,現實中冇咁慢熱。」

贊助商:

討論:
分享: