張兆輝飛撞擋風玻璃 險爆眼


2017-03-08 07:00

跟蹤提及過的人和物:

上一則新聞: 土豪Bob硬上弓公主抱張惠雅

 

藝人張兆輝日前為無綫新劇客串,飾演臥底的他隻身對抗歹徒,惟最終不敵而犧牲,他坦言這些大場面近年已買少見少,自爆當年拍攝一場爆破戲時,因飛身位置不正確差點撞爆眼。

張兆輝與苗僑偉(三哥)日前為無綫新劇《使徒行者2》開工,拍攝一場反車槍戰大場面,不過二人就分開拍攝,獲三哥邀請於劇集開首客串演出的張兆輝,飾演警察臥底單拖上陣以一敵眾,惟最終死於歹徒槍下。

大場面買少見少



拍慣大場面的張兆輝,面對連場槍戰也應付自如,他說:「其實呢啲大場面,依家電視同電影都買少見少。(客串兩集唔夠喉?)都好過癮o架喇!三哥叫我喺Opening幫手,我唔會托手(月爭)嘅。(拍爆破動作戲會唔會好危險?)今次都好安全,其實我好耐之前試過拍嘢,劇組要我成個身飛落架車嘅擋風玻璃,但係個位就唔係幾啱,好彩我下意識擰一擰轉塊面,最後只係撞到耳仔,如果唔擰就撞到塊面,再撞上啲就係隻眼。」相對於劇集《性在有情》以文戲為主,張兆輝笑指各有各好玩,更指拍攝《性》劇時場面搞笑,可算是邊拍邊笑,氣氛愉快。

苗僑偉感激友情客串



三哥感激張兆輝友情客串,更指劇集將於本月底煞科,但還未來得切休息,便要飛往上海參與張家輝新片:「呢次輪到我客串,拍十日之後就會返香港。(呢套劇咁多大場面,太太戚美珍會唔會好擔心?)又唔會,佢都知我會小心,識得分寸嘅!」

文:影視組

贊助商:

討論:
分享: