同關之琳做番朋友?嘉玲:咁要睇佢!


2017-03-09 07:00

跟蹤提及過的人和物:

上一則新聞: 陳雅倫拆穿機心重:追求我就有目的!

 

女星劉嘉玲出席活動,談及昨日是三八婦女節,她自言是「WorkingWoman」的人辦,認為女人應該要有自己工作,不要求人家保護及愛錫自己,女人應當自強:「呢個世界對女人始終有啲偏見,一啲唔好嘅評論都係對女人。(例如呢?)好多爭拗同謠傳都係來自女人口中講女人,其實女人應該愛護女人,呢啲都係出於妒忌心。(最近聽到是非?)都會有,每日都會存在。(你點處理?)我依家心臟已經好強壯,以前聽到會唔舒服,依家唔會,加上依家社交平台咁廣泛,不過呢啲都係好正常,咁樣會更加督促到自己做得更加好,鞭策你向前嘅動力。(你會唔會好Hurt?)唔會,反而我會喺另一個角度睇自己,可能自己真係有咁嘅問題,人冇可能係完美!」

早前她被大美人關之琳指摘與前夫陳泰銘行山不顧及別人感受,問嘉玲會否仍介意?她說:「我了解佢嘅心情,唔會介意。(你哋可唔可以做番朋友?)咁要睇佢,但我相信時間可以解決一切。」此外,提到賭王千金何超鳳離婚一事,嘉玲認為離婚沒有大不了,如果找到更開心和自在的出口,未嘗不是好事。

贊助商:

討論:
分享: