拒聽張繼聰禁令 「飛船」謝安琪偷走喪食


2017-03-09 18:34

跟蹤提及過的人和物:

上一則新聞: 【全腦發展】訓練記憶助小朋友學習快人一步

 

謝安琪 (Kay) 與張繼聰的小公主將於今個月底出世,為了安全起見,緊張老公張繼聰早已下令個肚籮咁大的Kay乖乖留家待產。不過Kay見悶悶哋,日前竟犯禁出街食魚蛋粉,之後仲閒逛商場作最後血拚!快將40歲的Kay屬高齡產婦,臨盆在即就應該好好休息,依家仲着住對4吋厚底鞋周街走,阿聰真係要睇緊啲啦!

延伸閱讀:

《熱血合唱團》學生獻唱〈17歲〉 為劉德華打氣

富貴家底曝光 簡淑兒 :我出入搭巴士

Kay去年宣布停工,造人成功再陀B女,食好住好轉眼就懷胎十月準備卸貨,阿聰更以「飛船」去形容太太個巨肚!話就話第二胎不用太緊張,不過張繼聰好穩陣,早前驚Kay患妊娠糖尿,禁老婆進食過多澱粉質與糖份。預產期將至更把禁令升級,近月唔俾Kay獨自出街,恐怕囡囡隨時搶閘出世。

早前兩公婆難得一齊出席好友生日會。

阿聰下禁令

有傳Kay的預產期是在3月20日,不過早前B女未掉頭,有可能要剖腹生B,好彩最後虛驚一場。據知Kay一直都想自然分娩,依家B女掉咗頭都安心啲。不過Kay個肚大得好誇張,陀住幾十磅肚,都咪話唔辛苦。另外,醫生話B女已經夠晒磅,再加上第二胎可能會早啲,所以阿聰上個月已下令唔俾Kay出街,不過Kay留喺屋企好悶,想行多啲易生啲,所以會偷偷出去行吓食吓嘢,阿聰呢排忙住拍劇,都理唔到咁多。

與老闆傾到雞啄唔斷。

極速掃魚蛋粉四吋厚底鞋好牙煙

早前Kay在母親陪同下,又在大埔鬧市出巡,先到相熟的麵店食魚蛋粉,再步行十分鐘去大埔中心幫大仔買泳褲,期間仲走入零食店掃貨。雖然Kay身形變腫,個肚大到被張繼聰笑指似「飛船」,但現場所見佢行起路仍相當輕盈,但腳踏的厚底內增高白色鞋,最少有四吋高,真是戥佢牙煙呀!

過馬路仍繑實阿媽以策安全。

為大仔張瞻買二折的泳褲,不過大肚婆成日踎低身就唔係太好喎!

 

側身睇個肚有四十幾吋,仲有幸福雙下巴,「飛船」絕非浪得虛名。「飛船」Kay回應

對於隨時生得仍然周街行,Kay笑笑口回應:「我ok喎!其實已經準備好,冇乜嘢要擔心,多謝大家關心。」Kay陀B期間保守估計重了40磅,V煞下巴消失,「飛船」身形恐怕在產後亦難以變回「舢舨」,其經理人夏森美早前亦向傳媒坦承,Kay將投放更多時間照顧BB,不諱言會無了期停工。老公張繼聰變成經濟支柱,Kay生完一於繼續做女皇。

遇上本刊記者即友善揮手,粉絲要求合照亦有求必應。

、全文完

延伸閱讀:

鄭秀文遊日亂入廣告 ????爆自嘲「厚多士」

贊助商:

討論:
分享: