馮盈盈Cosplay唐朝女長平公主驚走光


2017-03-10 07:00

跟蹤提及過的人和物:

上一則新聞: 張紋嘉暫別樂壇演戲求變

 

馮盈盈昨日到維園出席花卉展,她以唐朝美人古裝亮相,雖然服裝低胸,但礙於身材平平,盈盈的古裝扮相令她變成「長平公主」。

香港小姐冠軍馮盈盈、亞軍劉穎鏇、季軍陳雅思及友誼小姐張寶兒等昨日在維園出席《二○一七年香港花卉展覽》,馮盈盈以唐朝美人Look亮相,但她的身材卻平平無奇未有唐朝女士的豐腴,變成「長平公主」的馮盈盈笑說:「第一次着古裝,頭飾好重,條頸都幾攰。」講到唐朝Look沒有睇頭?馮盈盈說:「我係走唐代瘦削、弱質纖纖嘅路線。」她又指已做足防走光措施,服裝有多層,不擔心被拍下走光照,但現場所見,她仍不時察看有冇走光。

陳雅思孖祥仔玩冰火



以西洋懷舊貴婦Look示人的陳雅思指,事前已練定甫士。剛赴日本拍節目的她感受過「冰火」滋味回港,陳雅思說:「啱啱喺日本同黎耀祥拍完《歎得好健康》回港,喺雪山着住泳衣浸溫泉,仲喺雪地影相,好得意o架,聽落好似好凍,但浸喺溫泉又好熱。」陳雅思自爆準備十多套泳衣拍攝節目,希望在十多集節目中每集也穿泳裝亮相,問可會令觀眾看到流鼻血?她笑說:「都想挑戰吓自己嘅底線,想健康性感又fashion。」

劉穎鏇做主持練口才



至於劉穎鏇則以紅色宮廷裝示人,她笑說:「啲同學就鍾意玩Cosplay,我未試過咁着,都係第一次好似Model咁擺甫士畀人影相,都好期待。」劉穎鏇指稍後會有機會主持綜藝節目,可趁機訓練口才。

文:影視組

贊助商:

討論:
分享: