曹永廉寸湯寶如 落妝似師奶


2017-03-13 07:00

跟蹤提及過的人和物:

上一則新聞: 小心綺夢變噩夢 張敏復出唔通仲玩銷魂痣?

 

藝人曹永廉、湯寶如、陳曉東及薛家燕等前晚現身將軍澳電視城為節目《流行經典五十強》錄影,阿廉與湯記見面即時互寸,阿廉揶揄女方變師奶,湯記笑言:「唔知佢唱過歌兼出過碟!」阿廉反擊:「以前有碰過面,可能佢生得高,我成日(目及)佢!九二年嚟講佢算靚女。(湯記邊忽似師奶?)佢落咗妝、換埋衫就係,但保養得好好。」

提到節目邀得陳曉東亮相,湯記表示:「佢專登由北京飛返嚟,成家人喺北京,一叫佢就應承,仲自費機票食宿,我好感動,佢好有情義。」她又指想邀請「寶麗金」歌手亮相節目:「想搵劉小慧,但佢冇唱太耐,等佢準備好先,仲想搵譚校長。」

贊助商:

討論:
分享: