政情:中學剪「黎明頭」 容海恩被當男仔


2017-03-17 07:00

跟蹤提及過的人和物:

上一則新聞: 政情:「達文西」助趙偉仁繪畫

 

唔同髮型可以展現唔同嘅形象,好似立法會議員容海恩(Eunice)最近就剪咗個新髮型改形象,佢話今次係由髮型師決定點剪,話想佢感覺年輕啲,但佢就怕剪完後,啲街坊唔認得佢,千叮萬囑髮型師,唔好將佢側邊同後面嘅頭髮剪得太短,以免影響佢嘅工作。今次剪頭髮,仲勾起佢細個剪得太短,被人當係男仔嘅慘痛經歷添!

Eunice話自己勁鍾意打機,讀中學嗰陣,生得高又剪咗個「黎明頭」,即係後面啲頭髮剪短晒,入去機舖打機嘅時候,被人問佢點解仲未變聲,佢就即刻反問對方,點解佢要變聲。明顯對方以為佢係男仔喇!

除咗打機之外,Eunice細個嗰陣仲試過去廁所被人趕番出嚟,大鬧佢做乜去女廁。佢笑稱,可能對方事後覺得佢未發育都唔定。唔怪得佢唔肯將頭髮剪得太短喇!

贊助商:

討論:
分享: