鄭嘉穎謝天華鬥戲鬥弗周身傷


2017-03-17 07:00
上一則新聞: 「萌」詠珊獲讚人比花嬌!

 

演員鄭嘉穎、謝天華、譚耀文、鄭丹瑞及閻奕格昨日在將軍澳為《博愛歡樂傳萬家》「蝶夢飛雲劍在舞」綵排,博愛主席李妮前來探班慰勞。鄭嘉穎與謝天華近期為音樂劇排練搏盡,既要鬥戲亦要瘦身操弗,齊齊搞到周身傷,一個傷膝,一個傷腰。

鄭嘉穎與謝天華近日忙於排練《風雲5D音樂劇》,兩人搏到盡搞到周身傷。鄭嘉穎昨日為《博愛歡樂傳萬家》項目綵排時明顯弗了不少,他笑言現在每日都食「擦膠」(烚雞胸肉)減磅,十分痛苦。見其雙膝都戴上護膝,問到是否受傷?他說:「左膝以前開過刀,依家每日排練10個鐘,每日將全個騷做兩次,運動得多膝頭就開始腫,所以要保護佢,唔好畀佢惡化。」他表示待綵排完再看醫生,現時回家都要敷冰:「要小心啲處理。(女友陳凱琳幫你敷?)佢有關心我。(幫女友剪倒刺,網民讚你暖男?)冇諗過,佢影我都唔知,希望盡量低調啲。(下次唔畀佢影?)唔會,咁又唔會出聲,個心係咁諗啫,哈哈!不過睇完報道佢都知,太私隱嘅嘢低調啲。」講到無綫劇集《迷》有口碑,田蕊妮與吳業坤希望他回巢再合作?鄭嘉穎說:「我啱啱先暫別,咁快返就冇意義啦!」

用三成功力排住先



謝天華表面無恙,但原來整傷腰骨正敷藥:「依家休養緊,用住三成功力排住先,唱就十成功力。(減磅?)減咗(口架)喇!農曆新年肥咗好多,好彩仲有時間減,輕身啲上台靈活啲,冇人想睇到肥騰騰嘅聶風。(同鄭嘉穎邊個Fit啲?)兩個都Fit,每個人都希望最Fit上台。(吊威吔要吊幾高?)都七、八層樓高,破咗自己紀錄,咁我又唔係太驚。(買重保險?)加保險好似唔係咁吉利,平常心。」

文:影視組

贊助商:

討論:
分享: