政情:梁美芬唔怕兩子睇同性情節


2017-03-18 07:00

跟蹤提及過的人和物:

上一則新聞: 政情:父母情意結 邵家臻獨愛「工人」衫

 

最近一齣迪士尼經典卡通真人化嘅電影引起爭議,事關戲中有一幕同性戀情節,但仍被列為老少咸宜嘅一級電影。自稱係迪士尼迷兼電影迷嘅立法會議員梁美芬,對待同性婚姻立場一向保守,佢話迪士尼電影一向適合一家大細,自己作為家長不嬲都放心畀子女睇,但若日後都加入太多具爭議內容,擔心會搞到家長要先評估電影內容先至放心畀子女睇囉!

咁佢怕唔怕兩個仔睇呢?梁美芬就話,兩個仔已經係大學生,有足夠能力去判斷對錯,所以唔使好似以前咁進行篩選先,亦都唔使睇完戲之後傾偈輔導吓。佢仲話,現時反而由兒子推介電影,再約埋佢一齊去睇添!雖然佢上年仍然有入場睇迪士尼動畫,但就講明今次唔睇喇!

贊助商:

討論:
分享: