劉佩玥冷衫襯紗裙 易搭甜美風


2017-03-20 07:00

跟蹤提及過的人和物:

上一則新聞: 迪子唔識怕醜 全裸拍寫真

 

藝人劉佩玥(Moon)雖然入行只有短短數年,但對服裝配搭有一套見解。在台慶頒獎禮上,穿上純白公主裝走甜美風的她,大騷事業線。同時,她亦試過以黑色入膊晚裝挑戰型格路線:「我呢種比較高大同唔係太瘦嘅女仔嚟講,入膊衫係好蝦人着,所以係Fitting嘅時候要試清楚,一件啱身嘅入膊衫係可以顯瘦o架!」

至於平日的穿着,Moon就愛較清淡的顏色,認為上衣與下身不應穿着同一物料,否則看起來會簡單無味,她說:「我鍾意上身着冷衫、下身襯紗裙,感覺冇咁重!」她又向女生分享冬裝穿搭技巧:「冬天通常都係啲針織、冷衫咁,已經好似好腫,所以配飾愈簡單愈好,而且冬天包到實一實,可以着裙加短靴,晒下腿之餘仲可以拉長啲個人!」

贊助商:

討論:
分享: