政情:黑莓無WhatsApp 鍾國斌頭痕


2017-03-21 07:00

跟蹤提及過的人和物:


上一則新聞: 政情:白鴿黨 撐完鬍鬚曾 即向漢奸黎匯報

 

唔少商界人士都鍾意用黑莓手機,貪佢有實體鍵盤,而且處理電郵又快又方便,但早前通訊系統WhatsApp唔再支援黑莓手機,就搞到立法會紡織及製衣界議員鍾國斌(Felix)非常頭痕。Felix就大呻,要轉其他手機同人聯絡好唔方便。

自認係十幾年死忠



Felix話自己係黑莓手機嘅忠實支持者,十幾年前已經係,咁多年嚟都換過四至五部手機都係同一牌子。佢大讚黑莓手機有實體鍵盤,比起其他用輕觸式鍵盤嘅智能電話打字方便好多,而且處理電郵又快又方便,係其他電話比唔上。

之不過,早前WhatsApp唔再支援黑莓手機就搞到Felix非常頭痕,佢話要轉另一個電話同人聯絡,而喺黑莓手機上嘅WhatsApp訊息亦都無晒。雖然係咁,佢仍然無放棄部黑莓,話依家會用黑莓手機覆電郵、上facebook,而另一部電話就用嚟WhatsApp。點都唔肯放棄黑莓手機,果然係忠實擁躉喎。

贊助商:

討論:
分享: