男友又攬又錫So Sweet 吳若希大肚寫真晒人生高峰


2017-03-21 07:00

跟蹤提及過的人和物:

上一則新聞: 今胎都係仔冇所謂 周汶錡誕7.8磅「光之父」

 

懷有身孕的藝人吳若希快將榮升媽媽,趁安胎期間拍下性感大肚寫真,男友Alex在社交網上載後即引起哄動。赤裸上身的吳若希身材豐滿不少,網民目測她上圍連升兩Cup,大為讚嘆!吳若希坦言要在人生唯一的高點留倩影。

藝人吳若希(Jinny)與澳門濶少圈外男友Alex愛得癡纏,自懷有身孕後已深居簡出,乖乖在家中養胎,快將榮升媽媽的她預產期為五月,她不時透過社交網上載近況。昨日,Alex在社交網上載一張Jinny大肚黑白寫真照,照片一出引來極大回響。相中Jinny赤裸上身用手箍着男友頸部,並將豐滿上圍緊緊壓向男友胸部,展現燦爛笑容。而Alex則雙手緊緊攬着女友的腰,並在她臉上獻上情深一吻,相當幸福!網民大讚二人SoSweet之餘,還讚Jinny的身材豐滿不少,目測上圍進升兩Cup,稱她為索爆「人妻」。

第一次影半裸相



Alex向女友送上愛的宣言,留言表示:「無論你變得幾肥美,我都會一樣咁錫你。張相無咩點執,我真係咁大隻,第一次畀你影半裸相,第一次亦都係最後一次。」對於拍下性感大肚寫真,記者聯絡上Jinny,她說:「話晒呢段時間都係我人生嘅唯一嘅高點,所以要留倩影。影嗰時我同Alex都冇尷尬,都做足安全措施,反而個男攝影師朋友有啲尷尬。」她表示當日好友Kellyjackie都有到場探班:「佢仲企咗喺我哋中間影咗張相,好似第三者咁,好好笑。」據知,Jinny將會在港採取自然分娩,估計在臨盤前一個月來港作準備!

文:專案組

贊助商:

討論:
分享: