邵珮詩默認戀情 圈外男友讚廚藝好


2017-03-21 07:00

跟蹤提及過的人和物:

上一則新聞: 楊冪去母嬰保健院 唔通又有咗?

 

無綫處境劇《愛.回家之開心速遞》演員單立文、湯盈盈、呂慧儀、蘇韻姿、鄭世豪及邵珮詩等在將軍澳電視城舉行「滿月派對」,慶祝處境劇播映一個月。邵珮詩早前被拍得偕新歡行超級市場選購食材回家煮飯仔,活動上被湯盈盈等演員取笑其新戀情。問到是否拍拖?邵珮詩默認戀情:「朋友唔係男仔就女仔,嗰日屋企開Party,佢幫我攞嘢。(男友有冇讚你廚藝?)自己好少煮嘢食,佢都有讚我整得好食。(拍咗拖幾耐?)唔講得,未肯定。(男友叫咩名?)佢係圈外人,唔方便講。(男友係富二代?)邊有咁多富二代。」提到早前在社交網呻遭其他演員整蠱,她表示只是自己太入戲,壓力太大,因休息不足而有所抒發,事情亦已過去,不願多談。

至於蘇韻姿早前發現右頸顎骨位置長出巨瘤,要告假做手術,她說:「依家身體都OK,係體力冇之前咁好,比較容易攰,總共休息咗9日,依家都要用膠布貼住遮疤痕同埋着樽領衫,驚唔連戲。初時復工都有啲甩漏,好多謝同事嘅鼓勵。」



贊助商:

討論:
分享: