樂基兒大談前夫黎明:佢講乜我都唔明!


2017-03-22 07:00

跟蹤提及過的人和物:

上一則新聞: 吳日言分享閨房事

 

藝人樂基兒(Gaile)昨日以睡衣造型任ViuTV節目嘉賓,大談對情人有報復心態的話題。她坦言從未向舊情人報復,分手未曾涉及第三者,與現任男友亦從未嗌過大交,即使與前夫黎明也只會鬧意見,但就自嘲中文不佳,唔明前夫講乜,溝通出現問題!

樂基兒(Gaile)與蔡楓華(Ken)昨日分別為ViuTV節目《晚吹-捲上你的床》任嘉賓。穿上睡衣騷長腿的Gaile,於節目分享如何面對有報復心的情人,坦言感情路上定必有報復心理,更指年少時情緒容易激動,但當長大想通後就會認為並非甚麼大事,她謂:「我冇試過報復,每次感情分手都唔係因為第三者,係性格唔夾、太年輕拍拖。有時女仔同家人、朋友嗌交會比同男友更激,攬住張被喊到眼都腫,但瞓醒一覺就會平靜咗。」

醉心瑜伽愈做愈肥



談到與現任男友相處,Gaile表示近年醉心瑜伽令心境平靜,故與男友未曾嗌過大交,但也偶有頂頸時,更謂:「依家愈做愈肥,但凡事感恩,健康最重要,懂得調節生活節奏同識尊重人。」問到當年與前夫黎明又可曾嗌過交?Gaile坦言雙方只是意見不合,認為人長大便不會浪費時間,反而珍惜與朋友及家人的相聚時間。問到會否聽唔明黎明的說話?她笑謂:「我諗我明喎!但其實佢(中文)講乜我都唔明,哈哈!因為中文冇依家咁叻,我哋用中、英文溝通,就算之前同火火拍完成套戲,我都唔明佢講乜,佢笑住原來係鬧緊我,我都唔知。」

蔡楓華自嘲世紀宅男



而Ken則於節目大談空虛話題,自言一點也不空虛,更在節目中以塔羅牌占卜愛情運。有四次拍拖經驗的他,被問現時可有女友?Ken懶神秘要大家估:「當我冇囉,其實空虛唔緊要,都有好多嘢可以取替愛情,好似事業、唱歌同走埠。我啱啱先去完澳洲登台,不過呢排自己好靜,係世紀宅男,只會喺家睇YouTube、聽音樂同睇新聞。」

文:影視組

贊助商:

討論:
分享: