鄭希怡性感被歧視 陳偉琪除剩bra肉搏黃宗澤


2017-03-22 07:00
上一則新聞: 「跨世代男神」5月蟹咒 秋官發盈警股民睇路

 

黃宗澤昨日為無綫台慶劇拜神,自爆與除剩nudebra的陳偉琪拍攝一場激情戲,但卻嫌棄與人母鄭希怡拍攝火辣場面,鄭希怡即笑說:「你歧視阿媽呀?」

無綫50周年台慶劇《溏心風暴3》演員黃宗澤、夏雨、李司棋、米雪、關菊英、王浩信、黃翠如、岑麗香、鄭希怡(Yumiko)和馮盈盈等昨日在將軍澳電視城為劇集進行拜神儀式。

在劇中女伴無數的黃宗澤艷福無邊,自爆近日與陳偉琪拍攝一場激情戲,他笑說:「場戲都幾勁o架,佢都幾搏同埋敬業。原本佢前面黐晒膠紙做足安全措施,但係膠紙穿崩,佢話裏面有nudebra,不如搣咗前面塊布,剩番個nudebra啦。」Yumiko即笑說:「咁益你呀?」

Yumiko冇包袱



黃宗澤申報「利益」說:「我就喺前面,佢(陳偉琪)就喺後面,所以我就咩都睇唔到,不過我都尷尬,視線唔敢向下。佢好敬業,個廠咁多人,一個女仔除剩nudebra喎。之後都陸續有嚟,不過同Yumiko就唔會咁誇嘅,話晒佢都係媽咪呀。」Yumiko反擊:「我唔益佢呀,你歧視阿媽?」黃宗澤說:「你要做個好榜樣畀小朋友睇嘛,我哋嗰啲係視頻互相挑逗,講嘢喺耳邊吹氣貼到好埋。」

黃宗澤又稱於劇中被應屆港姐冠軍馮盈盈挑逗,Yumiko取笑他:「其實套戲你係咪有份投資?」問已為人母的Yumiko拍性感戲會否有包袱?她笑說:「更加冇,唔知咩叫包袱,畀個女睇吓媽咪有幾靚。」

穿崩驚走光



陳偉琪昨日接受電話訪問時表示:「因為拍咗好耐都穿崩見到膠紙,所以就豁出去拍,咁又唔係冇嘢嘅,有個nudebra嘅,今次都係自己最大膽嘅一次。」她坦言拍攝時擔心走光,雖然廠內有不少工作人員,但大家都表現專業,黃宗澤亦提醒她小心走光。

文:影視組

贊助商:

討論:
分享: