譚詠麟訕王上身同Eason鬥吹


2017-03-24 07:00

跟蹤提及過的人和物:

上一則新聞: 老婆生日陳志健連環送驚喜

 

年年25歲的「樂壇校長」譚詠麟近日找來各地歌手合作推出國語專輯,日前他接受東網巨星節目《娛樂onShow》訪問,大談製作點滴,更分享與各位歌手合作的趣事。

「樂壇校長」譚詠麟接受東網巨星節目《娛樂onShow》主持Angela及陳振安訪問,問到有甚麼動力令他相隔七年再推出國語大碟《欣賞》?校長笑言:「痕!心痕!七年之癢因為已經冇錄七年。」該專輯籌備達兩年之久,亦與各地歌手合作,校長更擔任監製及參與創作詞曲:「雖然辛苦,但係開心,好似係一個自己湊大嘅細路咁。」

唔好意思催人



校長大爆錄音期間發生很多趣事,陳奕迅(Eason)素有「吹神」之稱,而校長亦有「訕王」之名:「Eason嚟到錄音嘅前三個鐘,其實坐低傾吓偈、食吓嘢,搞吓呢搞吓路,實際錄音都只係半個鐘頭,一個鐘頭之內連和音都唱埋。」他透露下次可能會出廣東專輯。

校長亦有與台灣天團五月天合作:「一等一個月,兩等兩個月,三等三個月,冇嘅,係咪唔記得咗呢?又唔敢催人,叫得人哋做嘢又唔好意思催。」剛巧遇上五月天舉辦巡迴演唱會,結果一等便是八個月,亦是整張專輯最後錄製的一首歌。校長亦有分享其他的趣事,想知道係乜?立即click入東網巨星睇《娛樂onShow》啦!

文:專案組

Hair:[email protected]

Makeup:[email protected]

贊助商:

討論:
分享: