曾國祥挑機周星馳拍拖揀幸運戰衣


2017-03-25 07:00

跟蹤提及過的人和物:

上一則新聞: 羅寶文收藏藝術品當投資

 

藝人曾國祥首度角逐金像獎「最佳導演」,日前孖住女友王敏奕到中環試名牌戰衣,王敏奕全程化身服裝指導,務求為男友打造型仔Look,在紅地氈上率先與周星馳及杜琪峯等勁敵比併,她坦言心情緊張又期待,期望屆時有好消息!

《第36屆香港電影金像獎》將於下月9日舉行,曾志偉兒子曾國祥(Derek)憑電影《七月與安生》首度打入「最佳導演」最後5強,雖然他率先於《導演會年度大獎》有獎落袋,但今次面對周星馳及杜琪峯等強勁前輩,當然打醒十二分精神作準備,並率先由戰衣方面着手。

日前中午時分,Derek與女友王敏奕到中環逛名店,見王敏奕火速走到男裝部左挑右選,更把衣服拼上Derek身配搭,期間不時給予意見,而Derek亦頻頻點頭。其後他拿起衣服、皮鞋及領呔多次進出試身室,王敏奕亦細心地為他整理服飾,儼如貼身服裝指導,經過大半小時「時裝表演」後,雖然未有斬獲,但二人仍滿意地笑着離開。

唔敢「太玩嘢」



事後Derek接受本報訪問,問到「戰衣」是否女友話事?他說:「唔係,佢一路畀意見我,我覺得最緊要啱身,都挑剔!唔好太過Formal,但亦唔好太玩嘢,所以都揀咗一輪。」更Sweet爆表示頒獎禮當晚有女友在身邊「護航」。至於得獎信心,他表示不會想太多,認為希望愈大失望愈大。

至於王敏奕則大讚男友屬高瘦身形,認為修身剪裁能凸顯其長處,問到男友是否信任她的時裝觸覺?她笑說:「平時大家都會傾時裝嘢,其實佢有專業團隊幫手,所以我都有信心。」對於男友競逐「最佳導演」,她直言緊張又期待:「但會平常心,唔想影響佢,咁佢會有好大壓力。其實入圍已經好開心,希望有好消息!」

文:影視組

贊助商:

討論:
分享: